Que é o thatch?
FOTO · TILOOM
O cultivo intensivo do céspede produce cantidades moi importantes de materia orgánica. A maioría retírase cos traballos de sega, pero a planta non só crece de forma aérea. Tamén crecen os tecidos subterráneos con moita intensidade. Os órganos como raíces, estolóns ou rizomas morren con frecuencia e son substituídos por órganos novos, pero os vellos acumúlanse.
Ao morrer, estes órganos non desaparecen instantaneamente, van descompoñéndose lentamente e converténdose en materia orgánica que posteriormente se mineralizará e poderá volver ser absorbida pola planta.
A fertilización nitroxenada, as especies vigorosas e as alturas de corte altas estimulan o desenvolvemento de thatch.
O problema normalmente é que a produción desta materia é moito máis rápida que a súa descomposición, e é cando aparece o famoso thatch.
Realmente o thatch non é só tecido morto, está composto por unha mestura de órganos vivos e mortos entrelazados que forman a capa. Esta capa tende a acumularse porque os restos máis vellos teñen serias dificultades para descompoñerse..
https://giphy.com/embed/fXV5dF3AhD4I6U1HbS
As especies rastexeiras teñen moita máis tendencia a formar thatch rapidamente.
Dependendo das necesidades da superficie, a tolerancia ao thatch é distinta, pero xeralmente as cubertas cunha capa de máis de 1,2 centímetros de media poden empezar a ter moitas contraindicacións.
O thatch é: un bo ambiente para o desenvolvemento de enfermidades, unha barreira para a correcta infiltración con todas as consecuencias que iso ten. Por exemplo, o movemento de fertilizantes ou fitosanitarios polo perfil do solo.
O thatch é hidrófugo e, cando se acumula en exceso, débense usar surfactantes.
A mellor forma de comprobar a cantidade de thatch dunha zona é a través dun sacamostras axeitado. Estas ferramentas permitirache ver o perfil de forma real e medir cunha regra a profundidade do thatch.
Tras medir en distintos puntos, pódese decidir se retirar o thatch con medios mecánicos ou facer recebados para aliviar o solo.
