Detección de enfermidades en céspede III. Rhizoctonia

A primeira identificación de Rhizoctonia realizouse en 1914 por C. D. Piper, director da USGA, e a tal enfermidade denominóuselle “Brown Patch”.

Estes fungos adoitan sobrevivir de forma natural en todos os solos e mantéñense de ano en ano, en forma de bulbillos no thatch. Estes bulbillos son moi resistentes ao calor, frío, seca ou fungicidas, polo que unha vez xerminados poden causar infección ao céspede que crece ao seu redor.

Pero son varias as especies de Rhizoctonia causantes de enfermidades nos distintos céspedes, así podemos atopar Rhizoctonia solani, R. zeae, R. oryzae, R. cerealis, R. AG-Q causantes de diferentes enfermidades, ademais da existencia doutras especies non patóxenas que crean relacións mutualistas.

As manchas de fume que aparecen, é indicativo de que o micelio do fungo está moi activo.

Así Rhizoctonia solani é a máis común das enfermidades, dá lugar ao “Brown Patch” en especies C3 e ao “Large Patch“en C4 durante a primavera ou o outo´ño. Leaf and Sheath Spot é un nome xenérico utilizado para denominar unha enfermidade causada por dúas especies de fungos: Rhizaoctonia Zeae e Rhizoctonia Oryzae, as cales se ven frecuentemente en Festuca Arundinácea con lesións similares ás do Brown Patch. En agrostis, R. zeae asóciase a áreas de céspede enfermo con coloracións de gris escuro-marrón ata alaranxado.

A identificación exacta de cada especie de Rhizoctonia causante das enfermidades é moi difícil posto que dependendo do céspede hospedeiro, altura de corte ou nivel de mantemento o seu aspecto é un ou outro. Greens ou tees infectados poden mostrar un anel escuro acinzentado ou arco con micelio cando o céspede está húmido e é unha característica diferenciadora de “Brown patch“, anel que non se observa se a altura de corte está por riba dos 13 mm, posiblemente debido a que a menor densidade da cuberta foliar limita a densidade de micelio entre as follas de céspede, dando lugar á ausencia dese anel de fume. É vital a monitorización dos contidos de humidade dos nosos greens, tees ou campos de fútbol, para poder prever a posibilidade de tales ataques fúnxicos.

A formación do “anel de fume” aparece normalmente con alta humidade relativa ou xunto ao orballo da mañá.

Rhizoctonia cerealis dá lugar a Yellow Patch ou Brown Patch de inverno, moi común en greens de Poa, Agrostis e Rye grass. A súa ocorrencia en greens de variedades C3 ten lugar cando se presentan gran cantidade de chuvias ou períodos extensos de alta humidade que provocan greens continuamente humedecidos por máis de 48 horas e altos contidos de Nit´róxeno, (pode darse entre amplos rangos de temperaturas, 8-40ºC). Aconséllase o uso de humectantes de forma habitual na xestión agronómica.

As diferentes especies de Rhizoctonia son habitantes naturais do solo, pero só son activos cando se producen as condicións perfectas para o seu desenvolvemento, situacións nas que a temperatura do solo sobe por riba dos 15ºC e a temperatura do aire sobrepasa os 28ºC en zonas de céspede ben fertilizadas (altas achegas de nitróxeno) e con regas frecuentes.

Grazas ao qPCR podes identificar a enfermidade que afecta ao teu campo.

Hoxe en día, con cada vez menos opcións fitosanitarias para a loita contra os ataques fúnxicos, temos que favorecer os mecanismos de defensa naturais, aumentar a flora microbiana beneficiosa, diminuír os niveis de thatch, realizar as labores culturais que diminúan a formación de orballo constante, etc..

Se precisas identificar exactamente que especie de Rhizoctonia infectou os teus greens, campos de fútbol, contacta con Tiloom e en 24-48 horas terás unha análise vía qPCR coa identificación exacta.