Vantaxes dun solo drenado
FOTO · TILOOM
Por que fai falta un solo drenado?
A auga é fundamental para o desenvolvemento vexetal, é o motor principal do crecemento. Pero parafraseando a Paracelso, “Todas as cousas son velenos e nada é sen veleno; só a dose fai que unha cousa non sexa un veleno“. Cando hai exceso de auga pode deixar de ser tan boa noticia. A drenaxe é a solución aos momentos de exceso de auga. Os solos saturados de forma frecuente non permiten o correcto desenvolvemento radicular, xa que as raíces non se osixenan. Ademais, os solos pouco drenantes non permiten a lavaxe axeitada das sales, polo que os problemas se agravan.
Para evitar problemas de saturación e salinidade desenvolveuse intensamente a enxeñaría da drenaxe.
Os puntos máis sensibles á hora de planificar unha drenaxe axeitada son as zonas baixas onde se poida acumular a auga e/ou zonas con obstáculos para o movemento da auga como rochas ou edificios. Superficialmente débese tratar de manter sempre lixeiras pendentes para facilitar o bombeo da auga a canalizacións naturais ou artificiais. Pendentes menores do 1% adoitan ser suficientes para que a auga corra a canles de escape.
Xeralmente a drenaxe superficial non é suficiente e necesita ser apoiada cunha drenaxe subterránea, enterrada medio metro ou máis. Esta drenaxe consiste en canalizacións de gabias cheas de tubaxes de drenaxe e area que se deseñan en función das curvas de nivel do terreo. En función das necesidades drenantes, estas gabias adoitan distribuírse cun espazamento de 3 a 20 metros. A tubaxe de drenaxe non é imprescindible; en ocasións abonda con preparar unha gabia chea de grava e area. O máis importante é seguir liñas perpendiculares ás curvas de nivel e dar unha saída a esa auga, dirixíndoa a unha canle que non moleste o desenvolvemento da actividade nesa superficie.
Para saber se o teu solo ten problemas de drenaxe, ademais da evidencia de que cando chove non infiltra a suficiente cantidade de auga, existen ferramentas como os penetrómetros que poden axudarte a ver se o teu solo está demasiado compactado e controlar a súa situación realizando labores sinxelos como pinchados ou impulsándote a organizar a drenaxe da zona.
