Análise de datos agronómicos para optimizar o solo

Para levar a cabo unha xestión óptima das túas superficies deportivas, será necesario realizar unhas análises dos datos agronómicos é dicir dos datos recollidos nas avaliacións “in situ”, para así asegurar o bo estado de conservación das mesmas. Para iso desde Tiloom deseñamos uns protocolos adaptados a cada superficie deportiva.

Estes protocolos baseados en normas UNE dan lugar a unhas valoracións obxectivas, obtidas como resultado dos ensaios normalizados, realizados a través de persoal especializado con ferramentas homologadas e laboratorios acreditados

Desde Tiloom podemos realizar as avaliacións, controis de calidade para os teus campos ou mesmo proverte a instrumentación para que ti mesmo poidas realizala.

Dentro do control de calidade en céspede natural non só se teñen en conta as valoracións biomecánicas, de xogabilidade ou eficiencia do sistema de rega. Tamén teremos en conta unha valoración agronómica baseada en multitude de analíticas e análises de datos que nos amosan as diferenzas entre uns campos e outros ou entre diferentes xestións agronómicas. Mesmo podemos superpor os resultados de pluviometrías cos da humidade do campo, e así averiguar se as posibles deficiencias proveñen do sistema de rega ou das propiedades físicas do campo.

As análises de datos que se realizan terán en conta tanto a riqueza mineral como microbiolóxica, e logramos entender a súa relación con outras variables agronómicas. Así por exemplo un perfil de solo moi ácido (pH< 5.5) típico dalgún campo que atopamos por exemplo no Norte de España onde se producen ademais altas pluviometrías e está subsaturado en calcita, diferenciarase fundamentalmente co microbioma do Sur en que aparecerán Acidobacterias no microbioma, baixa actividade microbiana relacionada co metabolismo do Calcio e posibles deficiencias deste.

Podemos ter unha visión global total do estado do campo.

Podemos facer todo tipo de comparativas e estudos estatísticos, por exemplo para coñecer canto máis variado é un microbioma dun solo regado con auga de calidade (Cluster 1) con respecto a outro regado con auga depurada (Cluster 2).

O estudo dos índices de saturación das diferentes especies químicas nas augas de rega tamén será de interese debido á capacidade destas especies químicas para precipitar na túa auga de rega e formar incrustacións calcarias.

A acumulación de materia orgánica nos nosos greens ou campos de fútbol prodúcese debido a que o balance entre a ganancia (fixación de Carbono) e a perda de Carbono (respiración aeróbica, fermentación, metanoxénese) resulta positivo. Pregúntanos sobre as últimas solucións tecnolóxicas para o control da materia orgánica e como mellorar a saúde dos teus campos.

A determinación das distintas poboacións microbianas a través de técnicas de secuenciación de adn é xa unha realidade, así podemos determinar como de eficiente é a ruta metabólica do Nitróxeno en función da porcentaxe de Bacterias Nitrobacter por exemplo.

É interesante ter a capacidade de interpretar os datos para poder realizar as correccións necesarias, como o enriquecemento do solo a través dos nosos produtos orgánicos e minerais necesarios.

Podes coñecer máis sobre todo o que podemos ofrecerche para obter uns resultados óptimos de control e coñecemento do campo en info@tiloom.com.