A saúde do céspede

A saúde do céspede pódese relacionar coa calidade do solo, segundo indica a USDA , en gran medida pola súa biodiversidade e sustentabilidade, a súa capacidade para funcionar como un ecosistema vivo. Temos que entender as nosas superficies deportivas como ecosistemas simbióticos que poden xestionarse para proveer os inputs necesarios para o desenvolvemento dos nosos céspedes.

Un gramo de solo contén millóns de microorganismos que viven segundo un ecosistema específico, o cal provee as raíces dos nosos céspedes con nutrientes de forma similar a como o fai a nosa flora intestinal para alimentarnos. Todos estes microorganismos viven organizados en comunidades e a forma en que interactúan coas raíces é a clave para a súa comprensión.

Temos que entender as nosas superficies deportivas como ecosistemas simbióticos que poden xestionarse para proveer os inputs necesarios para o desenvolvemento dos nosos céspedes.

Podemos comparar as diferentes comunidades microbianas visibles ao microscopio electrónico de calquera tecido vexetal con imaxes de satélite de países ou cidades. As comunidades microbiolóxicas interactúan entre si para realizar funcións que son de interese para os nosos céspedes do mesmo modo que os humanos interactuamos nas nosas cidades para desenvolver diferentes actividades ou produtos nas fábricas.

O coñecemento de todas as diferentes especies de microorganismos é o que coñecemos como microbioma, e grazas ás novidosas técnicas de secuenciación de ADN, hoxe en día é posible a súa determinación. Os xenes obtidos danos información sobre a taxonomía microbiana e as técnicas modernas de intelixencia artificial explícannos a funcionalidade do microbioma, sexan as relacionadas coa nutrición vexetal, as resistencias a salinidade, metais pesados ou moitas outras.

Os tradicionais cultivos en placa de Petri non son moi efectivos nese sentido, pois determinarían menos do 1 % da diversidade existente.

A diversidade do microbioma inflúe positivamente en multitude de funcións relacionadas cos ciclos de nutrientes do solo. Podes obter máis información aquí:

https://www.nature.com/articles/s41467-019-12798-y

Os solos son o reservorio do microbioma, e a riqueza deste estará influenciada por factores bióticos e abióticos. Fonte aquí .

https://www.nature.com/articles/nrmicro.2017.87

A continuación preséntanse, por orde de importancia decrecente, os diferentes factores bióticos e abióticos que máis impactan na formación de comunidades bacterianas: o pH > nivel de carbono > potencial redox > VWC% > N e P > textura e estrutura do solo > temperatura > variedades

En moitos casos a saúde das nosas superficies deportivas dependerá das condicións climáticas, dos aspectos físicos do solo (taxas de infiltración, , acumulación de thatch ou feltro), dos valores nutricionais do solo, do microbioma, etc…

Se conseguimos ter os distintos parámetros “nos rangos axeitados”, a afección destas será mínima ou inexistente.

Unha forma óptima de adiantármonos ás enfermidades consiste en utilizar modelos científico-estatísticos a partir dos datos obtidos en continuo das nosas estacións meteorolóxicas para a detección temperá. Así, por exemplo, para a detección da mancha de dólar a probabilidade de que esa enfermidade se produza indicaríanola un aviso que nos chega á nosa plataforma SpecConnect en cor vermella. Igualmente temos modelos que nos predicen os momentos clave para a aparición de determinados insectos.

A información é poder, pero para xestionar todo ese fluxo de información é necesario ter ferramentas que nos traduzan as variables medidas en avisos sinxelos ata os nosos smartphones. Consúltanos en soporte@tiloom.com e facilitarémosche solucións deseñadas para o teu caso concreto