Respiración edáfica basal

A respiración edáfica basal é unha medición similar á respiración do solo, pero sen ter en conta a produción de CO2 do céspede, é dicir, incúbase a mostra de solo sen tecido vexetal. Por tanto, dános unha idea da actividade microbiolóxica a través do desprendemento do CO2 que se produce baixo condicións determinadas de temperatura e humidade durante un espazo de tempo.

É importante ter en conta cal é o significado da atmosfera edáfica nas diferentes situacións.

Os ensaios de respiración edáfica basal realízanse en laboratorio, pero hoxe en día existen dispositivos para a súa realización fóra de laboratorios, como por exemplo o sistema portátil Solvita®.

A medición pode expresarse como fluxo de CO2 en unidades de kg/m2 ou mg de C-CO2/kg de solo, é dicir, ppm de C-CO2. Ensaios realizados en greens por Tiloom deron valores do entorno de 0,2 ppm de C-CO2.

En xeral, nos solos existen rangos de fluxo de CO2 desde 0,2 kg CO2/m2 ata 20 kg CO2/m2 (0,1 ppm ata 55 ppm de C-CO2); greens avaliados por Tiloom deron valores de 0,2 ppm C-CO2.

Non obstante, os resultados da respiración edáfica basal deben obterse e interpretarse ao longo dun ano completo. O 80% da respiración pode darse nos meses máis cálidos (debido á súa relación directa coa temperatura) e, por tanto, así mesmo o proceso de mineralización e liberación de N2 asociado, aínda que é posible á súa vez que greens con valores moi baixos de VWC poidan non presentar estes valores óptimos de liberación de CO2 debido ao factor limitante da auga dispoñible.