Avaliación de Superficies Deportivas
FOTO · TILOOM
Todos os equipos do mundo merecen combinar a seguridade deportiva cun céspede natural de calidade.
En xullo de 2019 o equipo técnico de Tiloom visitou as instalacións deportivas da Universidade de Vigo como organismo acreditador para a homologación necesaria para participar como campo de xogo en competicións da FER (Federación Española de Rugby).
Desprazámonos cos equipos entre os que incluímos:
- Equipo de resistencia rotacional.
- Martelo de Clegg e True firm.
- Prisma de altura de corte, marco para cuberta vexetal, barra de uniformidade.
- Trados, Infiltrómetros, sensores de humidade, Tª e CE, salinidade, etc…
Tras un recoñecemento visual xeral da superficie comezou a toma de datos in situ, nun campo de rugby con máis de 20 anos de historia ás súas costas.
Con todas as ferramentas necesarias para facer un traballo de Avaliación de Superficies Deportivas obxectivo e imparcial, procédese a realizar unha toma de datos representativa e fiable, que achegue valores obxectivos de cada parámetro de acordo coas características de cada terreo de xogo. Sen esquecer a pericia do técnico, que é quen de atopar problemas que a posteriori poderá pór en común co técnico de mantemento para mellorar na medida do posible o campo.
Os parámetros obtidos estúdanse e analízanse a partir das normas UNE 41.959 de calidade de céspede deportivo, regulamentos NIDE ou FIFA e metodoloxías fundamentadas en criterios agronómicos.
O compromiso de institucións como a Universidade de Vigo, que se preocupa activamente pola seguridade e saúde dos seus xogadores, ademais de manter un campo en boas condicións de xogo. Podendo cruzar a información obtida na avaliación coas labores culturais levadas a cabo e, froito deste coñecemento, planificar novas estratexias de mantemento segundo o obxectivo ao que se queira chegar.
Ademais da toma de datos dos equipos e do asesoramento técnico, as avaliacións poden complementarse con analíticas foliares, de auga e de solo que o equipo de Tiloom interpreta e integra xunto cos resultados para finalmente elaborar unhas recomendacións acordes cos obxectivos de mellora de calidade continuada.
Estas avaliacións poderán servir de apoio ante terceiros, directiva, corpo técnico, xogadores, etc… mostrando unha avaliación obxectiva das súas instalacións baixo a responsabilidade dunha empresa externa cualificada. Conseguindo que:
- Os clubs e as súas empresas de mantemento teñan a opción de medir e poñer cifras ao efecto das súas labores de conservación dos terreos de xogo, ou detectar a necesidade de levalas a cabo en base a datos de equipos e instrumentos de control.
- Os responsables da preparación física dos xogadores e o equipo médico dos clubs poderán pór en común co equipo de mantemento unha linguaxe obxectiva e medible sobre a situación do céspede.
- As institucións oficiais terán un medio de coñecer a situación dun terreo de xogo.
- Os responsables de mantemento teñan un criterio obxectivo, cuantitativo e cualitativo para valorar a calidade dos seus provedores (céspede, instaladores, tratamentos, etc.)
A Avaliación de Superficies Deportivas é unha ferramenta para obxectivar e achegar datos cuantitativos ao responsable de mantemento dun campo de golf, rugby, fútbol ou superficies naturais.
Como equipo experimentado, Tiloom foi seleccionada como provedora en instalacións deportivas como as do Concello de L’Hospitalet de Llobregat, equipos de fútbol como o Lugo ou o Villarreal. Acreditando distintos parámetros relacionados coa calidade dos seus campos, e puxemos ao servizo da Federación de fútbol, rugby e golf os máis altos estándares de calidade.
Os nosos servizos están acreditados por recoñecidos profesionais da industria do mantemento de superficies deportivas, aínda que non pretendemos ser máis que un apoio para o seu excelente traballo.
Se desexas informarte dos nosos servizos de auditorías de calidade de superficies de céspede natural en terreo deportivo, escríbenos a info@tiloom.com ou chámanos ao +34 622100045.
Toma mellores decisións connosco: os nosos servizos de máxima calidade e os nosos máis de 15 anos de experiencia en Fútbol e Golf avalannos:
