Ensaio de dureza: mide a seguridade do teu campo
FOTO · TILOOM
O ensaio de dureza está estreitamente relacionado coa saúde dos xogadores.
A xestión da dureza que presentan as superficies deportivas require un correcto mantemento, ademais da monitorización dos valores que estas presentan. Aproximadamente o 15% das contusións en fútbol son resultado dunha mala xestión deste parámetro.
A dureza mídese en valores de gravidade “g”, a través do denominado “martelo de Clegg“, sendo o valor máximo alcanzado no ensaio de dureza o denominado “Gmax“. Este é un valor numérico que representa a dureza da superficie.
A NFL realiza este ensaio antes de cada partido e todas as zonas de xogo deben presentar valores por debaixo de 100 Gmax.
Os factores que inflúen nesta característica física do terreo son o VWC e a frecuencia de uso do campo. As operacións de aireación contribúen igualmente á diminución deste valor de Gmax.
A continuación móstrase o correcto ensaio de medición da dureza en superficies deportivas.
- Obxecto e campo de aplicación: Determinación da dureza en superficies deportivas.
- Principio do método: Unha masa cilíndrica é liberada desde unha altura normalizada sobre a superficie deportiva a ensaiar e rexístrase o pico de deceleración producido no impacto.
Existen distintos fabricantes para este tipo de equipo.
- Descrición do equipo:
- Masa de ensaio. Cilindro de metal macizo, co extremo plano, cun acelerómetro protexido nun aloxamento de seguridade, unido a un conector BNC.
- Cable coaxial. Úsase para conectar a masa de ensaio ao aparello rexistrador.
- Aparello rexistrador. Capaz de ler e visualizar o pico de deceleración do ensaio debido ao impacto da masa coa superficie. Este deberá filtrar a frecuencia a un límite menor de 7 KHz e a deceleración deberá mostrarse en unidades de gravidade (g).
- Tubo guía. Utilízase para o control da altura de descenso e debe permitir a libre caída da masa de ensaio. Deberá ter un diámetro de 54+- 10 mm da base do tubo. O tubo guía normalmente ten un realce circular na base, de aproximadamente 150 mm para permitir suxeitar verticalmente o tubo.
O máis importante para coñecer a dureza é executar correctamente o ensaio e sempre da mesma forma.
- Procedemento operativo: Asegurar o tubo guía suxeitándoo verticalmente e soltar a masa de impacto dentro do tubo; no caso do fútbol a altura será de 550 +- 10 mm. Tras o impacto da masa sobre a superficie, o pico de deceleración é rexistrado en gravidades (g). Despois de cada ensaio, o tubo guía é retirado de forma que a masa de ensaio non impacte dúas veces no mesmo punto da superficie. Realizaranse 10 lecturas en puntos ao chou en cada unha das zonas de portería, banda e centro.
- Cálculo e expresión dos resultados: Os resultados exprésanse en gravidades. Calcúlase a media para cada área.
- Informe de ensaio: Debe seguirse a norma UNE 41959-1:2002 IN; Os puntos imprescindibles para o informe correcto son: Identificación da superficie, localización, área e historial previo; valor medio de dureza, Resultados individuais do ensaio se se requiren, detalle de calquera desviación do procedemento.
En Tiloom podemos determinar a dureza do seu campo ou ofrecerlles o instrumento de medida perfecto para vostede.
Podes adquirir cada unha das versións do martelo de Clegg nas seguintes ligazóns:
Pregúntanos se tes dúbidas!
