As formas do potasio no solo
FOTO · TILOOM
A intrincada relación dos elementos xera formas do potasio no solo máis alá do óxido de potasio (K2O) que se anuncia nos sacos de fertilizante.
O potasio pode diferenciarse en función da dispoñibilidade vexetal en catro formas:
- Potasio non dispoñible
Este potasio está atado á estrutura cristalina dos minerais de feldespato. Polo que non son solubles ata que o mineral se meteoriza completamente. Así que sempre se está realizando unha achega a moi longo prazo de potasio no solo. Pero desgraciadamente non se conta con este potasio como fertilizante do solo.
- Potasio fixo ou potasio dispoñible lentamente
Cando a rocha se meteoriza convértese en arxilas. Tanto as arxilas como a materia orgánica teñen a capacidade de reter de forma electrostática entre as súas capas distintos elementos. Fórmase un equilibrio entre as formas dispoñibles e as non dispoñibles, formándose unha especie de almacén de potasio no solo. Este equilibrio fai que o potasio aplicado como fertilizante poida converterse en potasio dispoñible lentamente.
A forza que os atrae á arxila non é moi grande, redúcese coa chuvia. Pódese evitar a súa lixiviación realizando encalados para manter un pH neutro en solos ácidos. E é posible que durante o período de crecemento vexetal o solo se quede sen potasio intercambiable, pero case imposible que se quede sen potasio lentamente intercambiable
O potasio fixo é o encargado de manter os niveis de potasio dispoñible a medio prazo
- Potasio intercambiable ou potasio facilmente dispoñible
Do equilibrio anteriormente descrito, unha parte atópase soluble en auga e as plantas absorben facilmente os elementos disoltos na auga. Así que, tan pronto como cae a concentración de potasio na auga do solo, libérase progresivamente potasio do lentamente asimilable.
Esta solución é moi lavable e é importante favorecer que só estea en solución a parte máis imprescindible para facilitar o crecemento vexetal.
| Material | Fórmula química | K2O aproximado |
|---|---|---|
| Cloruro de potasio | KCl | 60 a 62% |
| Sulfato de potasio | K2SO4 | 50% |
|
Sulfato de potasio e magnesio
|
K2SO4 2MgSO4 | 20% |
| Trisulfato de potasio | K2S2O3 | 17% |
| Nitrato de potasio | KNO3 | 44% |
Este elemento é realmente abundante na superficie terrestre, está presente na estrutura cristalina da maioría dos feldespatos. Mineral omnipresente nas rochas da codia terrestre. Pero isto non indica que se atope nun estado dispoñible para o cultivo.
Precisas un espallador de abono para a túa dosificación?
Estamos falando de que, do 100% do potasio no solo, máis do 90% non está dispoñible para o vexetal: tan só o 8% está dispoñible de forma lenta e o 2% é o que está dispoñible para a planta.
Existen instrumentos como estes lapis-sensores capaces de realizar a medición do potasio na solución do solo para aplicar os abonados necesarios e non desperdiciar produto na fracción do solo que se lava.
