Temperatura de orballo
FOTO · TILOOM
A temperatura de orballo, coñecida polos anglófonos como Dew Point, é quen de explicar por que todas as mañás volvemos do campo ao gabinete cos zapatos mollados. Por que algunhas mañás atopamos o campo mollado? Hoxe explicarémosche de forma técnica e sinxela. Atende ben aos diagramas, son importantes para poder entendelo!!
O punto de orballo é a temperatura na cal o aire dunha zona se atopa saturado de vapor de auga; polo tanto, para que haxa orballo ten que diminuír a temperatura ata alcanzalo.
O primeiro que se debe sinalar é que o aire na súa composición contén vapor de auga en distintas porcentaxes dependendo de variables como o tempo atmosférico ou a proximidade a masas de auga. O aire non pode soportar unha cantidade ilimitada de vapor de auga disolto. A cantidade de soluto que soporta depende da temperatura. A máis temperatura, máis cantidade de auga soporta, e viceversa. Na seguinte figura, a táboa da Temperatura de Orballo. Esta táboa é unha simplificación que só contempla as temperaturas frecuentes do aire seco, é dicir, a temperatura dun termómetro normal. O documento completo considera temperaturas superiores e inferiores.
Antes de continuar debemos explicar que é a humidade relativa. A humidade relativa é a cantidade de vapor de auga que pode manter o aire antes de condensarse e precipitar. Mídese cun psicrómetro. É un instrumento moderadamente sinxelo que consta dun termómetro co bulbo húmido e outro co bulbo seco. Coa axuda dunha carta psicrométrica localízase o punto da humidade relativa do aire.
Agora que temos claros os conceptos de humidade relativa podemos explicar con precisión que é o orballo e de onde sae.
Lupa dixital con cables
Prezo: 45€
Lupa dixital con conectividade Bluetooth
Prezo: 30€
TELMU Microscopio óptico 40-1000X
Prezo: 90€
Segundo o visto anteriormente, agora podemos entender que, se o aire se arrefría ata unha temperatura concreta, que depende da cantidade de humidade, vai condensar. É por iso que, por exemplo, un vaso de auga fría se molla por fóra. A auga fría dentro do vaso arrefriará a superficie do vidro, que á súa vez arrefriará o volume de aire arredor do vaso. Ese aire frío alcanza a súa temperatura de orballo e condensa a súa auga na superficie do vaso.
Exactamente o mesmo ocorre no campo, pero de forma masiva. Nun día cálido normal, a auga evapórase de todas as fontes próximas: o solo, a transpiración das plantas, as masas de auga…. e esta auga pasa ao aire próximo en forma de vapor. Ao anoitecer todas as superficies que o sol quentou durante o día irradian calor á atmosfera, o que fai que o solo comece a arrefriar. E como co exemplo do vaso, o aire arredor das plantas arrefriará tamén, polo que non poderá soportar toda a humidade e condensará nas follas. A temperatura á que ocorre chámase “temperatura de orballo”.
Se a temperatura segue baixando, ese orballo conxelarase e formará o que se coñece como xeada.
A climatoloxía é importante, xa que estes fenómenos ocorren con máis frecuencia en noites despexadas, porque as nubes fan unha barreira ante a radiación que o solo quente expulsa e manteñen a calor preto do solo.
O orballo pode xerar problemas ou beneficios nos campos en función da época do ano ou do clima da zona. Aínda que en xeral, se fai calor, é un caldo de cultivo perfecto para fungos e enfermidades, polo que convén quitalo das zonas máis delicadas. Hoxe en día coñecer a temperatura de orballo de forma remota e moi precisa é sinxelo cos sistemas de estacións meteorolóxicas e miniestacións. WatchDog é a tecnoloxía máis punteira, capaz de formar unha rede de sensores para manter un control perfecto da climatoloxía do campo.
Ademais, WatchDog é quen de incluír sensores enterrados, sensores de humidade de folla, de radiación ou calcular o risco de ataque de enfermidade ou praga.
