Sistemas de defensa natural II. Resistencia activa e pasiva
FOTO · TILOOM
Os sistemas de defensa natural vexetal poden ser activos ou pasivos en función da forma que teñan de repeler os síntomas dos ataques bióticos ou abióticos.
O estrés abiótico débese aos factores ambientais como o frío, a seca, ou a calor. Por outra banda, o estrés biótico débese a organismos como fungos, bacterias, virus ou insectos.
Biótico → Ser vivo
Abiótico → Ambiente inerte
As plantas teñen distintas formas de resistencia para resistir os ataques. Se a planta activa barreiras físicas extraordinarias como o engrosamento das barreiras celulares ou a exsudación de químicos como terpenos, alcaloides ou fenois, coñécese como resistencia activa.
As formas pasivas de resistencia disparanse tras o contacto co estrés. Nese momento os sinais que se producen desencadean activadores de resistencia, tamén coñecidos como “elicitores“
Resistencia Activa
A resistencia activa pódese estimular con distintas moléculas.
- Silicio – Aumenta a actividade fotosintética e encimática. Endurece a cutícula e aumenta a resistencia á salinidade.
- Glicina Betaína – Osmorregulador que incrementa a resistencia á seca.
- Aminoácidos – Son os precursores dos procesos hormonais de defensa ante o estrés.
- Vitamina C – Antioxidante.
- Quitosano – Actúa fronte ao estrés biótico inducindo a resistencia da planta fronte a ‘antracnose’, ‘fusarium’, ‘sclerotinia’.
- BPCP ( Bacterias Promotoras do Crecemento) – Potencian o crecemento das plantas e protéxenas ante patóxenos.
- Trichodermas e Micorrizas – Melloran a absorción de auga e nutrientes, protexen de patóxenos do solo.
- Algas – Incorporan hormonas, son osmorreguladores e aumentan a biodisponibilidade.
Resistencia Pasiva
Tras o encontro entre o estrés e a planta, ou a indución por elicitores externos xérase resistencia pasiva que se coñece como Resistencia Sistémica Adquirida ‘SAR’ e Resistencia Sistémica Inducida ‘IRS’.
A resistencia sistémica adquirida (SAR) é unha resposta de defensa activa, sistémica, de amplo espectro que se asocia a unha alta expresión de xenes de defensa (Hammerschmidt 1999). Na maioría dos casos, a SAR é igualmente efectiva contra fungos, bacterias, virus ou nematodos, independentemente do organismo indutor (Ryals et al. 1996).
O ácido salicílico é a molécula que mostrou maiores evidencias de estar involucrada nas vías de SAR (Mauch-Mani e Métraux 1998).
Favorecendo, polo tanto, a cantidade de ácido salicílico na planta, incrementaremos as súas defensas fronte a fungos biótrofos e hemibiótrofos.
“TRY EQUAL”, incorpora na súa formulación unha proporción de ácidos fenólicos (un derivado do ácido salicílico) polo que incrementa a SAR da planta; a súa defensa fronte a fungos biótrofos e hemibiótrofos.
A resistencia sistémica inducida (ISR) desenvólvese, xeralmente, por colonización das raíces por rizobacterias. Caracterízase por estar mediada por vías sensibles ao ácido jasmónico e ao etileno e independente do ácido salicílico (Pieterse e Van Loon 1999). A produción de etileno está influenciada por outras fitohormonas como o ácido abscísico.
Polo tanto, incrementando a cantidade de ácido jasmónico e etileno, incrementaremos as defensas da planta fronte a fungos necrótrofos e hemibiótrofos.
Se necesitas máis información sobre como activar os sistemas de defensa natural dos teus greens, tees ou campos de fútbol escríbenos a info@tiloom.com.
En Tiloom dispoñemos dos máis avanzados produtos promotores de resistencias naturais.
Carlos Ortiz del Río, licenciado en Ciencias Económicas e Empresariais. Desde abril de 2002, Xerente de TRY COMPANY ABONOS e Responsable Técnico e Comercial de todos os abonos líquidos nutricionais da empresa.
