A altura de corte que transformará a saúde do teu céspede
FOTO · TILOOM
Cando se coida a altura de corte estase coidando o detalle e a perfección. Deixar no punto óptimo a folla do céspede é unha tarefa magistral, xa que a segadora debe estar perfectamente calibrada e afiada. Nesta entrada da greenkeepedia explicaremos o necesario para coidar o corte á perfección.
Cando se pensa en segar é moi importante coñecer a superficie e traballar buscando o obxectivo axeitado. E cales son os factores que afectan a ese obxectivo:
- Especie
- Uso
- Factores abióticos como a dispoñibilidade de auga, a temperatura e a climatoloxía xeral ou o tipo de solo
- Factores bióticos como a presión de enfermidade, pragas ou o estado fenolóxico da planta
- Tipo de maquinaria dispoñible
A altura de corte determínase por factores bióticos e abióticos.
Cada especie dispón a súa fisioloxía de forma distinta. Un punto clave para determinar a altura de corte é establecer a altura da súa coroa. Por exemplo, especies como a Festuca arundinacea teñen unha coroa alta e sufrirán ao seren cortadas moi baixo. Por outro lado, especies como o Bentgrass (Agrostis palustris) ou a Bermuda (Cynodon dactylon) teñen unha coroa preto do solo e traballan ben en alturas baixas.
| Especie | Segadora | Altura (cm) |
| Paspalum notatum | Rotativa | 3,8 – 10 |
| Agrostis Capilaris | Helicoidal | 1,3 – 2,5 |
| Agrostis Stolonifera | Helicoidal | 0,5 – 1,3 |
| Cynodon dactylon | Helicoidal | 0,5 – 2,5 |
| Poa pratensis | Rotativa/Helicoidal | 2,5 – 6,4 |
| Buchloe dactyloides | Rotativa | 2,5 – 5 |
| Festuca fina | Rotativa/Helicoidal | 2,5 – 5 |
| Festuca alta | Rotativa | 3,8 – 7,5 |
| Chondrosum gracile | Rotativa | 5 – 6,4 |
| Lolium perenne | Rotativa/Helicoidal | 2,5 – 6,4 |
| Stenotaphrum secundatum | Rotativa | 3,8 – 7,5 |
| Agropyron cristatum | Rotativa | 3,8 – 6,4 |
| Zoysia | Helicoidal | 1,3 – 5 |
Cada céspede tolera unha altura distinta. Se non se respecta esa altura, o céspede sufrirá ou o seu aspecto de alfombra verase prexudicado.
O céspede non se corta para todos os usos por igual; por exemplo, un green utiliza especies de colo baixo como o agrostis stolonifera para ser cortado o máis baixo posible. En cambio, un céspede doméstico debe ter en conta que, ao cortarse un pouco máis alto, a planta terá máis reservas para afrontar as inclemencias do tempo, maior accesibilidade á auga e desenvolverá raíces máis potentes sen demasiados coidados.
Os factores abióticos como o clima, a incidencia de luz ou a temperatura son claves para decidir a que altura cortar o céspede. En zonas de sombra, deixar o céspede algo máis alto permite máis área fotosinteticamente activa que permita compensar a menor insolación. As variedades C3 no verán poden cortarse máis altas para que as follas se dean sombra entre si e se cree unha atmosfera máis fresca. E o céspede C4 no verán pode cortarse moi baixo para frear o seu crecemento e evitar o exceso de segas. Ademais, o estado fenolóxico da planta é importante. Un céspede recén sementado ou convaleciente dalgunha enfermidade necesitará estar máis alto ca un maduro para favorecer o crecemento de raíces e o establecemento na superficie.
A decisión da altura de corte é realmente importante e sen dúbida definirá a calidade da pradería.
As superficies cunha altura de corte de máis de 8 cm teñen dificultade para manter a aparencia de pradería, xa que se provocan sombras internas que propician que as plantas se acumulen en roseta. Por iso a aparencia na natureza dos céspedes non é de pradería uniforme.
A sega é unha labor realmente importante para que un céspede estea perfecto. Os instrumentos como o prisma de altura de corte son a ferramenta máis precisa para controlar a altura correcta.
Medidor de prisma de altura de céspede: precisión profesional
