Especies C3 e C4

A fotosíntese é unha combinación de dous procesos: a reacción lumínica e a reacción escura. A luz é absorbida por pigmentos e a súa enerxía convertida a enerxía química, facilmente utilizable a través da molécula de adenosina trifosfato, ATP e outra molécula fosforada como é o NADPH.

As células fotosintéticas presentan uns órganos chamados cloroplastos, estruturas con pigmentos de cor verde, que absorben a luz e catalizan a fotosíntese. Os produtos da reacción da luz son usados para fixar CO2 atmosférico en azucres. O uso da enerxía derivada da absorción da luz é posible grazas a unha serie de reaccións de oxidación/redución levadas a cabo en dúas etapas, a isto denomínaselle a reacción lumínica.

A biosíntese de azucres é o proceso bioquímico máis importante levado a cabo nos cloroplastos. A reacción escura utiliza os produtos da reacción lumínica e non depende da luz. O CO2 absórbese a través dos estomas, a través dos que á súa vez libera vapor de auga na transpiración. Normalmente os estomas están abertos durante o día ou en presenza de luz e pechados durante a noite ou en ausencia de luz.

O primeiro azucre formado presenta 3 átomos de carbono, de aí o nome de especies de céspedes C3 tales como festucas, Agrostis, poas e rye grass, seguen o ciclo de Calvin que explica estas transformacións. Por outro lado, outras especies denomínanse C4, pois o primeiro azucre formado presenta 4 átomos de carbono, seguindo un ciclo C4.

Este ciclo C4 necesita de máis altas temperaturas e altas intensidades de luz, de aí que son as denominadas especies de clima cálido ou C4, tales como bermudas, Bahía Grass, St. Augustine Grass, Zoysia Grass, etc. Estas especies presentan menor contido de nitróxeno nos seus tecidos e, por tanto, son máis eficientes no seu uso que as C3.