Luz artificial III: A iluminación LED nos estadios
FOTO · TILOOM
O problema das sombras nos estadios que explicamos na entrada anterior, “Luz artificial II“, ten solución, e conséguese grazas á iluminación LED.
A instalación de pantallas móbiles LED nas zonas máis tempo sombreadas é unha boa solución e que utilizan moitos estadios, pero hai que ter en conta un hándicap: a iluminación LED provoca un forte incremento na fotosíntese da planta que fai que a concentración natural de CO2 no campo diminúa drasticamente.
Os estadios, ao tratarse de lugares pechados e con pouca corrente, fan que a baixa concentración de CO2 e o pouco intercambio gasoso se convertan nun problema para a planta.
Para previr esta situación, provocada pola iluminación LED, atopamos dúas solucións:
- A primeira é a instalación de ventiladores que axiten o aire e renoven a concentración de CO2 para seguir aproveitando a intensidade de luz artificial que lle estamos ofrecendo ao céspede.
- A segunda é utilizando a fertilización carbónica. Existe a posibilidade de inxectar CO2 nunha tenda selada. Esta tecnoloxía úsase con moita frecuencia en invernadoiros de todo o mundo e, ben implementada xunto con eficientes programas de fertilización mineral e regas que supran a intensa evapotranspiración, asegura superficies tupidas e resistentes ao xogo.
Como se ve no gráfico inferior, a liña de puntos é a concentración atmosférica de CO2. Cunha iluminación baixa, a fixación de CO2 e o crecemento son o natural. Pero ao aumentar a concentración de CO2 e a intensidade lumínica o crecemento dispárase.
Polo tanto, aumentando a concentración de CO2 en zonas iluminadas de forma artificial o crecemento dispararase.
O fundamento é sinxelo: abonda con instalar tendas portátiles, coa iluminación integrada e tubaxes por onde se inxecta o CO2. A fertilización carbónica comeza a facer efecto cando o CO2 (ao ser máis pesado que o aire no seu conxunto) baixa á altura das follas.
No seguinte vídeo explícase a través dun sinxelo experimento como o CO2 (producido pola mestura de bicarbonato e vinagre) pode apagar unha vela, ao ser máis pesado que o aire e desprazar o osíxeno.
Os niveis de crecemento e saúde aos que se pode chegar con estes métodos son enormes. Por iso, desde Tiloom, podemos ofrecerche solucións á medida para as zonas en sombra do teu campo ou para zonas con enfermidade que precisen unha dose extra de crecemento.
