Algas e musgo en greens: como eliminalos eficazmente

Existen máis de 12.000 especies de algas e musgo, das que unhas 50 afectan a superficies deportivas.

O musgo é unha planta primitiva, sen floración nin raíces, que depende da humidade ambiental para o seu desenvolvemento e reprodución. A maioría das especies tolera condicións ácidas.

A alga máis común é unha cianobacteria, a cal obtén a súa enerxía a través da fotosíntese. É máis prolífica na primavera.

Tanto o crecemento de algas como de musgo nos greens ou outras superficies deportivas ten lugar porque a cobertura destas superficies diminuíu, e se existen zonas compactadas e húmidas, as esporas destas especies son depositadas polo aire nas zonas menos densas, o que en última instancia provoca costras densas en superficie, reducindo o paso do aire e auga á zona radicular.

O musgo medra maiormente en zonas sombreadas e pouco fértiles, mentres as algas son máis frecuentes en solos fértiles e soleados

O tratamento cultural pasa por realizar labores preventivas tales como manter boa fertilidade e pH, drenaxe adecuada, achega adecuada de luz, usar variedades tolerantes á sombra, aireación, regas profundas e infrecuentes, etc…

O tratamento químico para as algas pasa polo uso de sulfato de cobre ou o funxicida mancozeb. Para o caso do musgo pódese usar (tamén para as algas): cal hidratada, sulfato de ferro, funxicidas como clortalonil, herbicidas como carfentrazona especialmente para a especie de musgo Silvery Thread Moss denominado Bryum argenteum, típico en greens.