Lavaxe de mantemento vs lavaxe de lixiviación
FOTO · TILOOM
Publicado por: Jimena Blanco Jascheck, enxeñeira agrónoma na Greenkeepedia
A nosa entrada de hoxe tratará sobre ambas as técnicas como mecanismos de control de solos salinos mediante lavaxes de sales.
Lavaxe de mantemento
Consiste en manter as sales solubles presentes no solo en niveis aceptables que non afecten ao desenvolvemento do cultivo, desprazándoas lentamente a zonas máis profundas do solo fóra da zona de actividade radicular. Para conseguilo é imprescindible coñecer a cantidade de auga a aplicar nunha rega. Segundo Robert N. Carrow & Ronny R. Duncan
Segundo Rhoades (1974), a necesidade de lavaxe (NL) representa a porcentaxe mínima de auga que debe pasar a través da zona radicular para manter as sales nun nivel aceptable para o cultivo.
A necesidade de lavaxe está determinada pola calidade da auga de rega e pola tolerancia ás sales do cultivo.
Vexamos o aspecto dunha superficie antes e despois da lavaxe de sales:
Lavaxe de lixiviación
Realízase cando partimos dun nivel inaceptable de sales no solo para o desenvolvemento do céspede. Adoita darse nos seguintes casos:
- establecemento de céspede
- mal manexo da NL (necesidade de lavaxe) e/ou CR (cantidade de rega)
Cuantificando o fenómeno, para dar solución ao problema, Rhoades e Loveday (1900) determinan coa seguinte fórmula a cantidade de auga a aplicar ou profundidade da lixiviación:
Segundo Robert N. Carrow & Ronny R. Duncan (Best management practices for saline and sodic turfgrass soils 2012 ) o valor do factor K varía en función do tipo de solo e da forma de aplicar a rega:
- Rega por aspersión en ciclos ou intervalos: o solo non se atopa en estado de saturación e o tempo entre ciclos de rega é de 1-2 h en solos areosos e de 2- 8 h en solos de textura fina
K=0,05 solos con máis de 95% de area
K=0,1 resto de solos
- Rega continua por inundación ou aspersión: o solo atópase en condicións de saturación durante toda a lavaxe
K= 0,45 solos orgánicos
K= 0,30 solos de textura fina
K= 0,1 solos areosos
– No caso de precipitacións
K= 0,05 chuvia fina
k= 0,1 chuvia forte/torrencial
Fronte a outras técnicas de lavaxe, a lavaxe por lixiviación presenta os seguintes inconvenientes:
- maior cantidade de auga que nas lavaxes de mantemento
- o crecemento da planta vese afectado por exceso de sales
- pode requirir o peche de paso a maquinaria por exceso de humidade ou inundación da superficie
Como podo saber o nivel de salinidade do meu substrato?
Aconsellamos a realización dunha análise de extracto de pasta saturada en laboratorio ou mercar sensores para a súa determinación in situ, como por exemplo o sensor POGO de @Tiloom.
