Extracto de pasta saturada
FOTO · TILOOM
O ensaio do extracto de pasta saturada (SPE, saturated paste extract) consiste na extracción dunha pequena fracción dos nutrientes presentes nunha mostra de solo. Este ensaio de laboratorio foi desenvolvido polo U.S. Salinity Laboratory en 1954 co propósito de determinar a condutividade eléctrica (ECe) e a relación de adsorción de sodio (SAR). É o procedemento estándar para estas determinacións e a gran maioría de artigos científicos que falan de dita información como indicadores de calidade do solo baséanse nestes parámetros.
O método consiste en levar a mostra de solo ata a saturación con auga destilada, por un espazo de tempo estimado de dúas horas para que alcance o equilibrio. Entón extráese a solución do solo a través dunha bomba de baleiro, previamente filtrada a mostra.
A información relevante obtida é a seguinte:
1. Condutividade eléctrica (ECe), medida en unidades de decisiemens/metro (dS/m) ou milimhos/centímetro (mmhos/cm). Dá unha estimación do total de sales disoltas (TSS); para a súa estimación o valor de ECe multiplícase por 640 para dar un resultado en partes por millón (ppm) ou miligramos/quilogramo. A súa medida é indicadora da salinidade do solo, medidas por riba de 4.0 dS/m son consideradas salinas. As diferentes variedades e especies de gramíneas teñen diferentes tolerancias á salinidade.
Medidas por riba de 4 dS/m en solos son indicadoras de alta salinidade
2. Relación de adsorción de sodio, SAR, medida do perigo por impermeabilidade e desestruturación do solo, o cal impediría a aireación e a permeabilidade da auga.
3. Boro. A toxicidade de boro prodúcese a niveis por riba de 6 ppm.
A toxicidade por boro revélase cun valor superior a 6 ppm no nivel de boro en extracto saturado.
O ensaio de pasta saturada non é un ensaio recomendable para estimar as necesidades fertilizantes do solo, senón un indicador de salinidade e estrutura do solo.
Os ensaios son realizados por laboratorios certificados.
Non dubide en comentar á nosa comunidade as súas dúbidas a través dos comentarios das nosas entradas do blog, onde intercambiará opinións con expertos de mantemento de campos de golf e fútbol.
