Graos día – Inhibición de sementes en greens de Poa annua

A inhibición de sementes nos greens de Poa annua débese conseguir, posto que dá lugar a unha diminución na calidade dos mesmos, afectando a velocidade e o rodamento da bola, ademais de que o efecto visual tamén é moi negativo. A proliferación de sementes conduce a un debilitamento xeneralizado nos greens de Poa annua, cunha diminución na calidade e un aumento do estrés e da posibilidade de proliferación de enfermidades fúngicas.

O regulador de crecemento Etephon está indicado para a inhibición da formación de semente en greens de Poa annua, e o éxito na súa aplicación reside no seu uso antes da formación das sementes. Existen estudos (2010-2012) levados a cabo polo Dr. Michael J. Foxe, agrónomo consultor, e David Brady, superintendente, que dan unha boa estimación no uso do regulador de crecemento Etephon en canto ao momento clave da súa primeira aplicación (o regulador de crecemento Etephon hidrolízase a etileno, hormona de crecemento, no céspede sobre o que se aplica). O procedemento baséase nos graos día, e a súa estimación baséase en tomar as medias das temperaturas na parte que exceden de 7ºC, temperatura base. Por tanto, cando se alcanza unha serie de días por riba desa temperatura, empézanse a tomar as lecturas dos graos día. Así, un día cunha temperatura media de 12º daría 12-7= 5 graos día, outro con 13º serían 13-7=6, polo que sumarían ambos un total de 11 graos día; unha vez alcanzados os 110 graos día acumulados establécese, a partir deses ensaios, como o momento óptimo para a aplicación do regulador. Por tanto, a partir dese momento e con intervalos establecidos baixo eses graos día, son os momentos indicados para a súa aplicación. Tiloom recomenda realizar as aplicacións nos diferentes climas tendo en conta as integrais térmicas e, por tanto, optimizando as súas aplicacións. A utilización de estacións meteorolóxicas está moi indicada para o cálculo deses parámetros. Tiloom pon á súa disposición as mellores estacións meteorolóxicas e a súa integración para un óptimo aproveitamento.

É recomendable o uso combinado do regulador de crecemento trinexapac-ethyl / etephon (1/20), para unha maior eficiencia na aplicación, D.M. Kopec, J. Gilbert e M. Pessarakli 2001.