Augas depuradas para rega (III). Nitróxeno Kjeldahl

O método do nitróxeno Kjeldahl permite a determinación do nitróxeno orgánico de orixe biolóxica (proteínas), aínda que non a da maioría dos compostos nitroxenados de orixe industrial (oximas, hidrazina,..). O nitróxeno contido nunha auga é a suma do nitróxeno orgánico (R-N), amoníaco (NH3), nitrito (NO2¯) e nitrato (NO3¯).

O mesmo ocorre co nitróxeno dos nitritos e dos nitratos (para determinar este último, hai que practicar unha redución en medio alcalino).

Polo tanto, o nitróxeno Kjeldahl corresponde á suma dos compostos orgánicos aminados de orixe biolóxica e do amoníaco, que debe oscilar entre 40-60 mg/l, e representa a quinta parte da DBO. Estas formas nitroxenadas serán susceptibles de pasar a nitritos e nitratos posteriormente no solo. É interesante coñecelo para poder axustar as doses de adubado nas nosas superficies deportivas.

Os excesos de nutrientes, nitróxeno e fósforo, nos nosos lagos provocan que as algas medren de maneira exacerbada, ata uns volumes que fan que a luz deixe de chegar ao fondo deles; é entón cando se produce a eutrofización, coa morte das algas e a súa putrefacción, o consumo do osíxeno da auga e os malos cheiros.

Un exceso de nutrientes que desencadee un crecemento desproporcionado de algas pode levar á produción de atascos nas tubaxes de rega de campos de golf. Recomendamos vixiar as presións á entrada e á saída dos filtros con sistemas de control automático como a monitorización de bombeos que che podemos ofrecer aquí.