Aspersores de rega para céspede: conceptos básicos
FOTO · TILOOM
O aspersor é o instrumento que permite a rega nun campo. Antes del existen unha serie de elementos de vital importancia para o sistema como o bombeo, as tubaxes ou os elementos de seguridade. Pero o aspersor é o último e sen el a distribución da auga no campo sería completamente imposible.
Tipos de aspersores.
- Aspersores de martelo.
O movemento do chorro realízase a través do vaivén dun martelo que funciona de maneira hidráulica. É un movemento moi pouco uniforme que pode provocar secas cando a ET é alta. Pero a seu favor contan con alcances moi longos.
- Difusores.
Pequenas fontes de auga que apoian a rega groso. Adoitan colocarse en áreas de difícil rega como os taludes dos bunkers. - Aspersores de turbina.
Son o tipo de aspersor máis estandarizado nas instalacións novas de calquera campo. Achegan unha gran uniformidade e teñen unha flexibilidade á hora da súa configuración de moito valor.
Área de rega
- Sectorial
Os aspersores sectoriais están preparados para regar un arco de circunferencia. Normalmente ese arco vai dos 15º aos 360º e a súa utilidade principal é a de regar os bordos das áreas regables, por exemplo unha calle na que o raft non vai ser regado ou a banda dun campo de fútbol. - 360º
Estes aspersores regan todo ao seu arredor de forma concéntrica. Son moi habituais en todo tipo de instalacións e son os que mellor distribución teñen.
Existe unha gran variabilidade de configuracións para os aspersores.
Xa que falamos da variabilidade do aspersor de turbina pódese falar das súas diferentes partes:
- Marca e modelo
Cada fabricante estandariza diferentes aspersores con presións de traballo e alcances distintos, á parte da distribución que ofrece. - Tobera
Unha das variables máis importantes é a tobera do aspersor. Determina o seu alcance e a súa distribución de auga. Cando se realiza unha modificación do aspersor débense modificar todas as toberas e non só a principal, tamén a de curto e medio alcance. Se non se realiza ese cambio corre o perigo de ter secas intercaladas porque, por exemplo, a tobera media non chega suficientemente lonxe.
- Estator.
O estator é o gran descoñecido dos aspersores. Resulta que raramente está ben colocado e afecta enormemente á distribución da rega. O estator controla a velocidade de xiro do aspersor, é necesario modificalo en función do caudal do aspersor e da presión de traballo. Un aspersor de turbina necesita entre 2.5 e 3 minutos para dar unha volta completa. - Presión de traballo.
Para que un aspersor dea a distribución e o alcance axeitados debe traballar baixo a presión axeitada. Os modelos máis novos de aspersor teñen a capacidade de cambiar a súa tara, permitindo pequenas modificacións da rega proxectada inicialmente.
