Análises foliares de microelementos: detecta e corrixe carencias
FOTO · TILOOM
Nas análises foliares sempre hai un apartado de microelementos. Estes elementos atópanse no tecido vexetal en concentracións moi baixas pero teñen un importante papel no metabolismo da planta. Se algún destes microelementos faltase, a planta tería graves problemas no seu desenvolvemento ao non poder completar todas as fases do seu metabolismo de forma axeitada.
- Ferro (Fe): O ferro xoga un papel moi importante no metabolismo da clorofila e do nitróxeno. A súa deficiencia nótase nas follas máis novas porque é un elemento moi pouco móbil. As follas viran a amareladas; comunmente ese cambio de cor chámase clorose férrica.
A súa deficiencia no céspede é moi frecuente, xa que se bloquea a súa absorción a pH altos e vese máis afectado cando as segas son frecuentes.
Un tratamento moi eficaz ante a clorose férrica é a aplicación foliar de adubos deseñados especificamente para ese fin.
- Manganeso (Mn): O manganeso xeralmente actúa como activador enzimático, acelera as reaccións do metabolismo. A súa deficiencia é frecuente en solos alcalinos moi cálcicos.
En condicións de deficiencia as follas volvense cloróticas entre os nervios , ou con manchas amarelas. Aínda sendo un elemento pouco móbil, os síntomas poden verse tanto en follas vellas como novas.
- Cinc (Zn): O cinc colabora na síntese de fitohormonas, que son as reguladoras do crecemento, e regula tamén o uso do azucre e da clorofila. Os síntomas de deficiencia aparecen en solos alcalinos ou moi saturados doutros microelementos.
En céspedes cunha sega moi baixa e frecuente ás veces só se mostra desecación na folla. Cando a folla é máis longa os síntomas son máis o branqueamento das follas e manchiñas entre as veas mentres os marxes permanecen verdes.
- Boro (Bo): O boro é esencial para o movemento e transformación do azucre dentro da planta. A deficiencia é difícil de definir xa que se mostra un crecemento lento e unha perda de intensidade no verde das follas novas. Se a deficiencia é elevada os síntomas inclúen enrugamento das follas, engrosamento dos tecidos e vetas cloróticas nas veas novas. A súa deficiencia é frecuente en solos de pH alto e solos arenosos
Pódese concluír que os micronutrientes están moi afectados polos pH elevados e para evitar deficiencias o mellor é controlar o pH entre 6.5 e 7.
Para medir o pH do solo existen no mercado unha gran variedade de solucións. Pero ao final o máis práctico é ter un sensor de calidade e de peto como o pHmetro SoilStick que nos permite medir tanto en solo húmido, como en auga ou en mesturas líquidas.
