Ureztatzeko ur araztuak IV. Lausotasuna.
ARGAZKIA · TILOOM
Ur araztuetako lausotasuna esekitako materiak daudelako uraren gardentasunaren adierazle den parametroa da. Zenbat eta esekitako solido gehiago egon, orduan eta “zikinago” agertuko da ura eta orduan eta handiagoa izango da lausotasuna. Esekitako solidoak, aldi berean, ur-lagin baten solido totalen zati bat dira.
Lausotasunaren balioa NTU unitateetan neurtzen da: Lausotasunaren Unitate Nefelometrikoak. Neurtzeko erabiltzen den tresna nefelometroa edo turbidimetroa da, eta argi-izpi bat ur-lagin batetik igarotzen denean 90 graduan sakabanatutako argiaren intentsitatea neurtzen du.
Baldintza desberdinek eragiten diote lausotasun-mailari: materia organikoaren edukia, fitoplanktona eta, funtsean, forma nitrogenatuak, etab…
Eragin kaltegarriak hainbat dira:
- Esekitako partikulek beroa xurgatzea; ondorioz, ur lauso horiek berotu egiten dira eta, horrela, uretako oxigeno-kontzentrazioa murrizten da (oxigenoa hobeto disolbatzen da ur hotzean),
- Lausotasun handiak zenbait organismoren ugalketa sustatzen du,
- Argiaren sartzea gutxitzen da eta landareetan eta algetan jarduera fotosintetikoa murrizten da, eta horrek oxigeno-kontzentrazioa gehiago murrizten du,
- Ureztatze-sistemen buxatze handiagoak,
- Desinfektatzeko produktu gehiagoren beharra,
- Partikulen sedimentazioa gure aintzirien hondoan, kolmatatu eta golfean jokatu nahi duen publikoarentzat itxura desatsegina emanez.
Ramón Fernandez Pinilla biologoak uren lausotasuna kentzeko egindako azterlanek adierazten dute gazitasuna oso lotuta dagoela parametro honekin. Gaztasuna handitzen denean lausotasuna jaisten da, eta gazitasuna txikitzean lausotasuna handitzen da. Gatzak lausotasuna sortzen duten bakterio nitrifikatzaileen populazioen hazkundea inhibitzen du.
Bestalde, lausotasunak tratamendu herbizidei eragiten die; U.S. EPA-ren (United States Environmental Protection Agency) arabera gehieneko maila 5.0 NTU izan behar da, Patrick Mccullough Ph. D. University of Georgia, USA “Maximizing Efficacy of Herbicides for weed control in Turfgrass Management“.
