Rizobacterias

As rizobacterias, promotoras do crecemento vexetal coñecidas como “PGPR”, Plant Growth Promoting Rhizobacteria, son bacterias que colonizan rapidamente a rizosfera, isto é, a zona radicular no seu contorno.

Ademais, realizan diversas accións beneficiosas no céspede como son: sintetizar fitohormonas que facilitan o enraizamento, secretar compostos que melloran a estrutura do solo, facilitar a captación de nutrientes e protexer a planta contra patóxenos, Elliot e al., 2004.

Inicialmente só se dispoñía do xénero Pseudomonas, pero agora inclúense bacterias dos xéneros Azotobacter, Arthrobacter, Bacilus, Clostridium, Hydrogenophaga, Enterobacter, Serratia, Azospirillum, Paenibacillus e Rhizobium. Benizri et al., 2001.

A comunidade microbiolóxica é moi abundante na rizosfera e por tanto prodúcese competencia entre os mesmos polos nutrientes e o espazo colonizado polas raíces. Así que, para producir un impacto positivo no céspede, as inoculacións deben ser moi competitivas.

Prodúcese un mecanismo de secreción de antibióticos ao longo da raíz para a supresión de patóxenos. Lutenberg & Kamilova, 2009.

As rizobacterias realizan diversas accións positivas sobre o céspede:

• Promoción do crecemento. Biofertilización.

• Redución de danos por parte de insectos e parasitos, a través da indución de resistencia sistémica, Van loon 1998, Kloepper et al., 2004.

• Supresión de patóxenos foliares e de solo, Backman et al., 1997. Exemplos de antagonismos positivos son aqueles que se producen con respecto a enfermidades tipo “Take all patch” e “Pythium”. Existen á súa vez mecanismos de secreción de toxinas, Howe et al., 2004.

• Aumento da asimilación de nutrientes, Benizri et al., 2001, Dimkpa et al., 2009.

Non obstante, os estudos mostran que se poden producir inconsistencias nos resultados dun ano a outro, ou entre diferentes zonas.

Isto débese en gran parte ás condicións ambientais.

Os rangos de temperatura e humidade han de ser óptimos para cada xénero en particular. Así mesmo, todos os novos produtos téstanse en diferentes localizacións e durante varios anos.

Cada vez hai máis estudos que demostran os beneficios achegados polas rizobacterias a céspedes de clima frío, Bigelow et al., 2003 e Elliot et al., 2004.