POGO na Finca Golf Resort

O pasado martes 2 de agosto, Tiloom tivo o pracer de visitar unha das instalacións do Grupo Quara na Finca Golf Resort co fin de coñecer a experiencia de primeira man de dous dos primeiros usuarios de POGO en España: José Martínez, greenkeeper na Finca Golf desde decembro de 2014 e Víctor Cros, greenkeeper en Las Ramblas Golf. Tomar un café con eles e co excelente profesional Pablo Muñoz Vega, de Surtec, foi un auténtico pracer.

A través desta entrada do blog poderemos estudar os seus resultados e opinións.

Tiloom: Como usades o POGO nos vosos clubs de golf? Cantas mostras adoitades facer nos vosos greens co sensor POGO?

José e Víctor: Entre nove e vinte medidas por green, dependendo da extensión e da variabilidade de cada un deles. Adoitamos tomar as mostras ao inicio de cada día no que se vai regar o campo, dedicando minuto e medio a cada green, e utilizámolo para orientarnos na forma de planificar como se ha de repartir a auga do modo máis eficiente nos greens antes de que remate a xornada.

Tiloom: Cal é a funcionalidade que máis vos gusta da plataforma?

José e Víctor: Sen dúbida a visualización da humidade nos greens e os seus gradientes no terreo, de ollada sobre todo o campo ou mediante un seguimento temporal, co fin de buscar a homoxeneidade dos niveis de humidade, para o uso eficiente da auga e para atopar un óptimo de firmeza nos greens.

Podemos ver, por exemplo, como no green do 3 da Finca Golf se conseguiu reducir, entre o 2 e o 28 de xullo, de un 35% de contido volumétrico de auga a un 25%, sen deteriorar o aspecto do green, o que supón un importante aforro de auga (10%) e fomentar un estrés de planta que favoreza unha maior firmeza da superficie de xogo.

Tiloom: Recomendariades a plataforma POGO a outros greenkeepers?

José e Víctor: Por suposto. É unha moi boa ferramenta para facer seguimento da humidade, salinidade e temperatura do solo, así como unha fonte de datos importante para os profesionais responsables do mantemento de superficies deportivas como campos de golf e campos de fútbol, cuxo coidado require dun preciso e continuo seguimento para manter un bo aspecto e sustentar unha xogabilidade de calidade. Os parámetros medidos por POGO, ademais de detectar necesidades de rega e tratamentos do céspede, están directamente relacionados coa saúde da planta e a firmeza da superficie de xogo.

Víctor Cros e José Martínez, excelentes profesionais que situaron a La Finca Golf e a Las Ramblas Golf en dous dos campos de referencia do Grupo Quara (www.golfquara.com)

Se desexa coñecer como POGO pode axudalo a mellorar a calidade dos seus greens, tal como fan cada vez máis profesionais, e facer un uso máis eficiente dos seus recursos, non dubide en pasarse por www.tiloom.com/pogo e encher o noso formulario de solicitude de información.