Factores de crecemento III. A temperatura
FOTO · TILOOM
A temperatura é outro dos factores máis influentes no crecemento e desenvolvemento das superficies deportivas. Os greens de especies C3 como o Agrostis presentan os intervalos idóneos para o crecemento foliar entre 18 e 24 ºC, porén o crecemento radicular é óptimo entre 10 e 18º C (Beard, 1973). Igualmente é posible estimar o crecemento esperado segundo as temperaturas medias mensuais, a través do denominado Potencial de Crecemento (Growth Potential), introducido por Stowell. L, (Pace Turf).
A temperatura influirá na elección das diferentes especies axeitadas para cada localización.
Utilizaranse especies C3 como Agrostis estolonífera, con necesidades de temperaturas medias arredor de 19.5ºC en zonas temperadas, ou C4 como Cynodon Dactylon, con necesidades de temperaturas medias arredor de 30.5º en zonas tropicais.
Tanto a absorción de auga como a de nutrientes realízase grazas ao gradiente de humidade que se produce desde as raíces cara aos estomas das follas, proceso dirixido pola evapotranspiración, a cal depende da temperatura.
O desenvolvemento microbiolóxico tamén depende da temperatura, proliferando uns organismos ou outros (enfermidades provocadas por fungos, infeccións bacterianas, etc.) en función desta.
Outros procesos abióticos, como o estrés estival debido a altas temperaturas, producen a perda e morte de raíces, deficiencia no proceso de fotosíntese e baixa actividade fisiolóxica, é o denominado “Summer Bentgrass Decline”, que se produce en greens de Agrostis debido a altos contidos volumétricos de humidade (VWC) que desprazan o osíxeno e pola presenza de altas temperaturas diúrnas (>35ºC) e nocturnas (>25ºC), Huang. B et al.
Comprobouse a través do grupo do Turfgrass Environmental Research On Line da USGA que a refrixeración nocturna é a mellor solución para o estrés por altas temperaturas.
A ferramenta POGO, coas súas sondas de humidade, temperatura e condutividade, ofrece unha capacidade extraordinaria para adiantarse a estes fenómenos tan prexudiciais para os nosos greens.
