BOMBEOS I. Definicións prácticas.
FOTO · TILOOM
O emprego de bombeos require o coñecemento de definicións prácticas. De aspectos esenciais como son a capacidade ou caudal, a altura de elevación, o rendemento e a potencia absorbida.
- A capacidade ou caudal dunha bomba está referida ao volume de auga trasegado por unidade de tempo. É en realidade o caudal de trasfega e mídese en litros por segundo (l/s) ou metros cúbicos por hora (m3/h).
- A altura expresa a distancia vertical existente entre dúas cotas de referencia. Hai que saber que a altura manométrica non é a distancia vertical entre o nivel do líquido a bombear e o punto de descarga da tubaxe de impulsión, senón que a altura manométrica está composta por diversos termos que describimos máis adiante. A altura manométrica tamén pode relacionarse coa diferenza de enerxías entre a entrada e a saída da bomba.
- A altura xeométrica de aspiración (hs) é a diferenza de cotas entre a superficie do líquido de aspiración e o rodete da bomba e a altura xeométrica de elevación (hd) é a diferenza de cotas entre o nivel do líquido na descarga e o eixe da bomba. Sendo a altura xeométrica total a diferenza de cotas entre o nivel do líquido na descarga e o nivel do líquido na aspiración.
hg = hd -hs
- A potencia dunha bomba é o traballo por unidade de tempo empregado en elevar un determinado caudal a unha altura manométrica. Esta sería a potencia útil.
P útil= ϒ·Q·Hm
onde
ϒ = Peso específico do líquido
Q = Caudal
Hm= Altura
Así, dependendo das unidades, teriamos:
- P = (Q·H·ϒ)/270 =C.V; sendo Q=m3/h ; H=m ; ϒ=Kg/dm3=1
- P = (Q·H·ϒ)/75= C.V; sendo Q=l/s; H=m
O rendemento sería o cociente entre a potencia aplicada ao eixe da bomba e a útil realmente aproveitada, μ = P útil / P eje
P eje = Par eje ω; Par en Nw m; ω velocidad angular
As perdas por rozamento son as perdas de enerxía empregadas en vencer a fricción que produce o líquido ao desprazarse pola tubaxe. Adoitan calcularse por Darcy-Weisbach ou Hazen Williams.
Tamén existirán perdas de carga localizadas, para vencer a resistencia que pezas especiais exercen sobre o líquido; estas exprésanse como fraccións de lonxitude de tubaxe:
hm = K ·V²/2g, o valor do coeficiente K atópase facilmente en manuais de hidráulica.
Coñeces Rigometer?
