Axentes tensoactivos III. Casos de éxito

Os axentes surfactantes demostraron a súa eficacia na eliminación de ácidos orgánicos dos coloides do solo e na capacidade de adherir as moléculas de auga ás partículas de solo, dando lugar a unha mellor distribución da auga ao longo do perfil de solo e á prevención da aparición de zonas hidrófobas.

Son moitos os casos de éxito no uso dos axentes tensoactivos; así, podemos destacar, por exemplo, os usos no Quilchena Golf Country Club, onde se aplicaron nas calles de golf co obxectivo de aumentar a eficiencia da rega, mellorar a calidade da herba e reducir o gasto de auga.

Os resultados obtidos foron realmente satisfactorios, co que se logrou unha diminución do gasto de auga do 10% no primeiro ano e doutro 10% no ano seguinte (USGA “The benefits of wetting agents and efecctive communication”, 2016)

Existen estudos rexistrados da diminución das películas orgánicas hidrófobas nas partículas de area tras o uso repetido de certos axentes tensoactivos (Annual report on USGA ID: 2014-09-498, Xi Xiong, Stephen H. Anderson, et al. 2016).

Outros estudos están a levarse a cabo para determinar se o uso combinado de mantas térmicas e axentes humectantes podería diminuír os danos en greens de bermuda como “Tifeagle” ou “Mini-verde”, debido á desecación da coroa e ás baixas temperaturas naquelas latitudes que presentan invernos fríos (Michael D. Richardson, Douglas E. Karcher e Eric J. University of Arkansas).

Este caso deu como resultado un maior reverdecemento para todas as variedades, especialmente para “Tifeagle” e “miniverde“.

Estudos levados a cabo mostran que parámetros como a firmeza dos greens están fortemente correlacionados co VWC e co contido en materia orgánica. O efecto dos axentes humectantes sobre a xogabilidade das superficies deportivas varía amplamente, e son outros factores, como os distintos tipos de perfís de solo, a xestión da materia orgánica e o volume de rega por aspersión posterior á aplicación, os que teñen maior efecto na xestión da firmeza dos greens (Edward Nangle, Ph.D, Ohio State University).

Por último, estudos como a influencia na redución dos impactos de enfermidades tipo Anthracnose tamén están a avaliarse actualmente en relación coa aplicación de axentes humectantes (Clint Mattox, Alexander R. Kowalewski, et al. 2016 “Reducing Anthracnose on Poa Annua Putting Green with frecuent applications of a soil Surfactant”).

Podes usar instrumentos para atopar os puntos secos no teu campo e actuar sobre eles:

Grazas por confiar en Tiloom