A Feira Unigolf terá por primeira vez unha xornada para greenkeepers

Xa é oficial: chega a Madrid a feira Unigolf, o punto de encontro de referencia para a industria do golf, que terá lugar entre os días 20 e 22 de abril, de 10h a 20h no pavillón 1 do Recinto Ferial Feria de Madrid (IFEMA).

Ata esta edición, o evento supoñía un importante escaparate para empresas de servizos relacionadas co golf, material e accesorios para este deporte, escolas, federacións e organismos oficiais, pero a novidade este ano é que se abriu a convocatoria aos profesionais do mantemento de terreos deportivos.

O evento en edicións anteriores:

Greenkeepers, groundsman e xerentes de toda España reuniranse nas sesións técnicas deste xoves 20, nun evento onde se tratarán temas de optimización no uso de recursos para rega e mantemento, aplicación sustentable de fitosanitarios, ou boas prácticas para a xestión de campos de golf. Descargue AQUÍ o programa das charlas técnicas, onde intervirán, entre outros, membros da Asociación Española de Greenkeepers (AEdG), técnicos da Green Section da RFEG ou membros das Asociaciones Española de Campos de Golf e de Gerentes de Campos de Golf.

Este ano estarán presentes no evento empresas de mantemento como John Deere, Ilunion, Tiloom ou Tapiz Verde, ademais dun importante número de campos de golf que tamén terán representación nun stand propio: Almenara – Sotogrande, El Robledal Golf, Retamares, Golf Sotogrande, Cuenca Golf Club, Dessert Springs, Torrequebrada, Izqui Golf, La Cala, León Golf, Making Golf, La Herrería, San Roque ou Señorío de Illescas.

O evento contempla un día para profesionais do sector, o xoves, onde para asistir unicamente habería que rexistrarse na seguinte ligazón:

http://www.ifema.es/unigolf_01/Visitantes/registro/index.htm

Para que a organización teña unha idea aproximada do número de asistentes á formación técnica, podes deixar AQUÍ o teu interese en cada sesión.

Para venres e sábado, o acceso estará aberto a todos os públicos e será gratuíto para todos os federados presentando o seu carné. Poden consultar máis información na web do evento.

Non perdas unha importante oportunidade de intercambiar ideas e coñecer importantes novidades do sector, aproveitando a aposta que fai Madrid Golf por concentrar e apoiar a industria do mantemento de terreos deportivos.

Esperámoste!