Nitratos

Os nitratos son compostos inorgánicos compostos por un átomo de nitróxeno e tres átomos de osíxeno. O de nitróxeno atópase en estado de oxidación +5 no centro dun triángulo formado polos tres de osíxeno. Os nitratos fórmanse na natureza pola descomposición de compostos nitroxenados como as proteínas ou a urea. Nesta descomposición fórmase amoníaco ou amonio, respectivamente. En presenza de osíxeno este é oxidado por microorganismos de tipo nitrobacter a ácido nítrico, que ataca calquera base (xeralmente carbonatos) que haxa no medio, formando o nitrato correspondente.

Outra fonte de formación é a través dos óxidos de nitróxeno que se xeran nas descargas eléctricas das tormentas a partir do nitróxeno e o osíxeno do aire. Coa auga de choiva fórmase ácido nítrico, que ataca os carbonatos e outros minerais básicos para formar os nitratos correspondentes

O amoníaco constitúe a base para a produción dos fertilizantes nitroxenados. Os fertilizantes nitroxenados máis comúns son amoníaco anhidro, urea (producida con amoníaco e dióxido de carbono), nitrato de amonio (producido con amoníaco e ácido nítrico), sulfato de amonio (fabricado en base de amoníaco e ácido sulfúrico) e nitrato de calcio e amonio, ou nitrato de amonio e calcaria (o resultado de engadir calcaria ao nitrato de amonio).