Fairy Rings (aneis de bruxas)

Os axentes causantes desta enfermidade son Chlorophyllum, Marasmius, Lepiota, Agaricus, Amanita, Licoperdon, Calvatia, e outros basidiomicetos.

Xeralmente ocorre en solos moi orgánicos e pouco fértiles. O fungo vive grazas á descomposición que produce no “colchón ou thatch”. O Lycoperdon pode desenvolverse en greens construídos con 100 % de area. A súa observación é máis frecuente nos meses de verán, debido á coincidencia de altas temperaturas e humidade debida á rega.

Adoita producirse unha estimulación do céspede en forma de círculos ou arcos verdes procedente do nitróxeno liberado na descomposición orgánica.

Por outro lado, a zona interior dos aneis vai perdendo densidade pola perda de nutrientes e a creación de zona hidrófoba debido ao tecido fúnxico.

Existen tanto aneis de bruxas superficiais, presentes no thatch e no perfil superior do solo, xeralmente menos daniños, como os edáficos, con presenza de cogomelos e máis perigosos polas perdas de céspede que provocan, ademais da hidrofobia tan intensa que causan.

O control químico pasa polo uso de fungicidas como flutolanil ou azoxistrobin.