Estrea de Greenkeepedia

Tiloom compráceselles presentar o blog Greenkeepedia, un espazo informativo para o greenkeeper e groundsman inquedo, que desexe ampliar ou refrescar os seus coñecementos en mantemento de terreos deportivos.

En artigos e entradas de non máis de dous minutos de tempo estimado de lectura, daremos un percorrido sobre consellos, termos e nocións sobre mantemento de campos de golf e campos de fútbol, falaremos de noticias relevantes do sector, mesmo entrevistando a grandes profesionais greenkeepers, tendencias e novidades tecnolóxicas como ferramentas para o desempeño das labores e coidados de terreos ou artigos técnicos traídos da experiencia e coñecemento dos nosos greenkeepers asociados.

Desenvolveremos un glosario de conceptos de interese para que todo o noso contido sexa fácil de interpretar, a pesar da complexidade que supón a boa xestión dos coidados do céspede natural deportivo, e tomaremos a filosofía do proxecto Wikipedia, do que herdamos parte do nome con orgullo por respectar a filosofía de fonte de información aberta e sobre a que convidamos ao diálogo de todos aqueles que día a día participan do apaixonante mundo do Greenkeeper.

A información é poder

En breve estará dispoñible a opción de subscribirse á nosa newsletter para aqueles que queiran recibir un resumo das entradas semanais no seu buzón de correo electrónico. Ata entón, non dubiden en facernos chegar os seus comentarios a info@tiloom.com, e estaremos encantados de escoitalos participar nos comentarios das entradas deste blog, nacido e creado por e para greenkeepers.

Greenkeepedia, o espazo creado por e para greenkeepers