Perfís de enraizamento
FOTO · TILOOM
As distintas superficies deportivas constrúense en moitos casos sobre perfís de enraizamento diferentes.
Así, temos para greens uns perfís de enraizamento recomendados pola USGA. Consisten en 300mm de espesor dunha mestura de partículas minerais coa distribución do tamaño de partícula seguinte:
| Nome | Diámetro | Recomendación |
| Gravilla fina | 2.0-3.4mm | <3% |
| Area moi grosa | 1.0-2.0 mm | <10% total |
| Area grosa | 0.5-1.0mm | >60% |
| Area media | 0.25-0.50mm | |
| Area fina | 0.15-0.25mm | <20% |
| Area moi fina | 0.05-0.15 | <5% |
| Limo | 0.002-0.05mm | <5% |
| Arxila | <0.002mm | <3% |
| Finos totais | Area fina + limo + arxila | <10% |
E a mestura de enraizamento, para unhas adecuadas propiedades físicas para greens, require dunha porosidade total no rango de 35 -55 %, onde a capilaridade sexa inferior se cabe á porosidade requirida para aire. A condutividade hidráulica saturada ha de ser superior a 150 mm/hora. As enmendas achegadas a estes perfís xeralmente son turbas. Aínda que tamén se poden incorporar outras como zeolitas, arxilas calcinadas e outras sempre que se alcancen as especificacións descritas.
Por outro lado, outras superficies deportivas como os cricket wickets presentan perfís de zonas de enraizamento onde as mesturas areas/arxilas se reparten en diferentes proporcións, tales como 50-50% ou 75-25%. Por exemplo, dependendo de granulometría, durezas requiridas ou distintas profundidades de cada perfil de enraizamento.
