Como medir o rebote vertical do balón
FOTO · TILOOM
As interaccións entre balón e superficie deportiva son importantes para asegurar a correcta xogabilidade nos campos de fútbol. Débese asegurar un comportamento homoxéneo e estándar en todo o terreo de xogo.
Así, é posible determinar o comportamento vertical do balón a través do seguinte ensaio.
- Obxecto e campo de aplicación. Determinación da altura do rebote dun balón cando cae verticalmente sobre unha superficie.
- Principio do método. Medición da altura do rebote dun balón inflado á presión de 0,7 bar que cae verticalmente sobre unha superficie. Calcúlase a porcentaxe que representa a altura do rebote con respecto á altura inicial.
- Descrición do equipo. Dispositivo de lanzamento do balón, que funciona sen choques, sen transmitir impulso nin rotación ao balón e que permita o seu lanzamento verticalmente desde unha altura especificada. Debe estar dotado dunha base que permita a súa verticalidade e dunha escala graduada, ben en altura, ben en porcentaxe de rebote sobre a altura inicial. Balón normalizado, inflado a 0,7 bar de presión e calibrado sobre unha superficie ríxida.
- Procedemento operativo. O balón debe manterse polo menos unha hora á temperatura e humidade do lugar (estes datos tamén quedarán rexistrados); a continuación colócase no soporte e libérase por medio dun mecanismo destinado a iso. Toma da lectura da altura do rebote. O rexistro do dato pode ser visual ou con dispositivo de rexistro acústico. Realizaranse 5 lecturas en puntos escollidos ao chou en cada unha das zonas de portería, banda e centro.
- Cálculo e expresión dos resultados. Calcúlase a media para cada zona.
- Informe de ensaio. UNE 41959-1-2002 IN; Identificación da superficie; Localización; área e historial previo; Valor de rebote por área; Resultados dos ensaios individuais; Detalle de calquera desviación do procedemento.
Coa rampla de rodadura e bote podes facer ti mesmo o ensaio. Adquire a túa en:
